Bakıda saxlanılan Rusiya vətəndaşlarına hökm oxunub

Bakı Ağır Cinayətlər Məhkəməsi narkotik vasitələrin qanunsuz dövriyyəsi və digər cinayətlərdə təqsirləndirilən səkkiz Rusiya vətəndaşı barəsində hökm çıxarıb.

Məhkəmənin hökmünə əsasən, Sergey Sofronov, Anton Draçev, Dmitri Bezuqli və Valeri Dulov 4 il, Dmitri Fedorov, Boris Timoşov, Aleksey Vasilçenko və İlya Bezuqli isə 3 il müddətinə azadlıqdan məhrum ediliblər.

Onlar Cinayət Məclələsinin 234-1.1 maddəsi ilə ittiham olunublar. 

Bundan əvvəl təqsirləndirilən şəxslər Daxili İşlər Nazirliyinin İrandan narkotik vasitələrin tranziti və dövriyyəsi, həmçinin kiberdələduzluq faktları ilə bağlı keçirdiyi əməliyyat tədbirləri nəticəsində saxlanılıblar.

Onlar barəsində 2025-ci il iyulun 1-də Səbail Rayon Məhkəməsinin qərarı ilə həbs qətimkan tədbiri seçilmişdi.

İstintaq materiallarına əsasən, təqsirləndirilən şəxslərə Azərbaycan Respublikası Cinayət Məcəlləsinin 234.4.1 və 234.4.3-cü maddələri ilə – narkotik vasitələrin, psixotrop maddələrin və ya onların prekursorlarının qanunsuz əldə edilməsi, saxlanılması, daşınması və ya satılmasının qabaqcadan əlbir olan bir qrup şəxs tərəfindən və külli miqdarda törədilməsi ittihamı irəli sürülüb.

Tatyana Kryuçkina