Bakıda yanğın təhlükəli anbarın fəaliyyəti dayandırılıb - Video

Bakının Qaradağ rayonunda, Bakı-Salyan şosesinin 29-cu kilometrliyində yerləşən anbarın fəaliyyəti yanğın təhlükəsizliyi qaydalarının pozulması səbəbindən dayandırılıb.Bu barədə Fövqəladə Hallar Nazirliyindən məlumat verilib.

Bildirilib ki, obyektdə aparılan yoxlama zamanı yanğın təhlükəsizliyi sahəsində bir sıra nöqsanlar aşkarlanıb.Mövcud vəziyyət anbarın fəaliyyətinin davam etdirilməsi halında baş verə biləcək yanğının qısa müddətdə genişlənərək ağır nəticələrə səbəb ola biləcəyini göstərib.

Qurum anbarın fəaliyyətinin dayandırılması barədə qərar qəbul edib və qərarın surəti obyektin nümayəndəsinə təqdim olunub.