Azərbaycan və Türkmənistan 13 sənədi mübadilə edib

Azərbaycan Prezidenti İlham Əliyevin və Türkmənistan Prezidenti Sərdar Berdiməhəmmədovun iştirakı ilə iyunun 22-də iki ölkə arasında müxtəlif sahələri əhatə edən sənədlərin mübadiləsi mərasimi keçirilib.

Mərasimdə ilk olaraq Azərbaycan Prezidenti İlham Əliyev və Türkmənistan Prezidenti Sərdar Berdiməhəmmədov prezidentlərin Birgə Bəyanatını imzalayıblar.

Tərəflər gömrük, nəqliyyat, idman, əmək və sosial müdafiə, səhiyyə, qida təhlükəsizliyi, sənaye, energetika, kənd təsərrüfatı, maliyyə, iqtisadiyyat və diplomatik əməkdaşlıq sahələrini əhatə edən ümumilikdə 12 sənəd mübadilə ediblər.

İmzalanan sənədlər arasında daşınan mallar və nəqliyyat vasitələri üzrə ilkin məlumat mübadiləsinə dair texniki şərtlər, gömrük statistikası sahəsində əməkdaşlıq protokolu, energetika sahəsində əməkdaşlıq sazişi, iqtisadi əməkdaşlığın inkişafı və dərinləşdirilməsi haqqında saziş, həmçinin 2026–2029-cu illəri əhatə edən Xarici İşlər nazirlikləri arasında əməkdaşlıq proqramı yer alıb.

Bundan əlavə, tərəflər səhiyyə, əmək və əhalinin sosial müdafiəsi, kənd təsərrüfatı, idman, qida təhlükəsizliyi və sənaye sahələrində əməkdaşlığın genişləndirilməsini nəzərdə tutan memorandum və proqramlar imzalayıblar.