TBMM sədri Numan Kurtulmuş İSİPAB Konfransı üçün Bakıya gələcək

Türkiyə Böyük Millət Məclisinin (TBMM) sədri Numan Kurtulmuş iyunun 23-24-də Bakıda keçiriləcək İslam Əməkdaşlıq Təşkilatı Parlamentlər Birliyinin (İSİPAB) 20-ci Konfransında iştirak etmək üçün Azərbaycana səfər edəcək. Bu barədə Türkiyə mətbuatı məlumat yayıb.

Məlumata görə, Azərbaycan Milli Məclisinin ev sahibliyi ilə keçiriləcək konfransda Numan Kurtulmuşun İslam dünyasında əməkdaşlıq, regional təhlükəsizlik, parlament diplomatiyası və digər aktual məsələlərə dair çıxış etməsi gözlənilir.

Səfər çərçivəsində TBMM sədri konfransda iştirak edən ölkələrin parlament rəhbərləri və beynəlxalq təşkilatların nümayəndələri ilə ikitərəfli görüşlər keçirəcək.

Görüşlərdə regional və beynəlxalq gündəmdə duran məsələlər, eləcə də parlamentlərarası əməkdaşlığın genişləndirilməsi perspektivlərinin müzakirə olunacağı bildirilir.