Muxtar Babayev BMT-nin Baş katibi ilə görüşüb

Azərbaycan Prezidentinin iqlim məsələləri üzrə nümayəndəsi Muxtar Babayev Londonda BMT-nin Baş katibi Antonio Quterreşlə görüşüb və tərəflər COP29-un nəticələrinin icrası, həmçinin COP31-ə hazırlıq məsələlərini müzakirə ediblər.Babayev bu barədə "X" sosial şəbəkəsində paylaşım edib.

Görüş London İqlim Fəaliyyəti Həftəsi çərçivəsində baş tutub.

Tərəflər həmçinin metan emissiyalarının azaldılmasının sürətləndirilməsi, iqlim maliyyəsinin artırılması və beynəlxalq əməkdaşlığın gücləndirilməsi ilə bağlı fikir mübadiləsi aparıblar.

London İqlim Fəaliyyəti Həftəsi iyunun 20-28-də keçirilir və COP31 öncəsi hökumət, biznes və beynəlxalq təşkilatların nümayəndələrini bir araya gətirən əsas qlobal iqlim platformalarından biri hesab olunur.