Şəkidə 5 nəfəri it dişləyib - uşağın vəziyyəti ağırdır

Şəkidə küçə itinin hücumu nəticəsində biri azyaşlı olmaqla beş nəfər xəsarət alıb, yaralılardan 5 yaşlı uşağın vəziyyəti ağır qiymətləndirilir.

"Report" agentliyinin məlumatına görə, hadisə iyulun 2-də axşam saatlarında şəhərin Dodu məhəlləsi adlanan ərazidə baş verib.

Məlumata əsasən, küçə iti 38 yaşlı Taleh Yusifov, 56 yaşlı Mehman Cabbarov, 36 yaşlı Xəyalə Mirzəyeva, 30 yaşlı Nicat Abdulrəhimov və 5 yaşlı Alparslan Əliyevə hücum edərək müxtəlif dərəcəli xəsarətlər yetirib.

Yaralıların hamısı Şəki Rayon Mərkəzi Xəstəxanasına yerləşdirilib. İlkin məlumata görə, 5 yaşlı Alparslan Əliyevin vəziyyəti ağırdır.