Şuşa Şəhər Kollecinin bərpasına 4,5 milyon manata yaxın vəsait ayrılıb

Elm və Təhsil Nazirliyi Şuşa Şəhər Kollecinin (Qarabağ Universitetinin Turizm fakültəsi) binasının əsaslı təmiri və bərpası işlərinin satınalınmasını yekunlaşdırıb. Dövlət satınalmalarının nəticələrinə əsasən, 4 milyon 492 min 871,87 manat dəyərində müqavilənin qalibi "İDEAL TM" QSC olub.

Layihə çərçivəsində Şuşa Şəhər Kollecinin binasında əsaslı təmir və bərpa işləri həyata keçiriləcək. Bina gələcəkdə Qarabağ Universitetinin Turizm fakültəsinin istifadəsinə veriləcək.

Qarabağ Universiteti 2024-cü ildə fəaliyyətə başlayıb. İşğaldan azad edilmiş ərazilərdə təhsil infrastrukturunun bərpası və yenidən qurulması dövlət proqramı çərçivəsində davam etdirilir.

Gülnar Nazimqızı