Londondakı Azərbaycan Evinin rəhbəri vəfat edib

Londonda fəaliyyət göstərən Azərbaycan Evi Mədəniyyət və Dostluq Mərkəzinin rəhbəri Əli Tekin Atalar vəfat edib. Bu barədə Azərbaycanın Böyük Britaniyadakı səfirliyi məlumat yayıb.

Səfirliyin məlumatına görə, Əli Tekin Atalar uzun illər Azərbaycanın Böyük Britaniyada tanıdılması, eləcə də ölkənin diasporunun birliyinin möhkəmləndirilməsi istiqamətində fəaliyyət göstərib.

Qurum bildirib ki, Ataların Azərbaycan-Böyük Britaniya münasibətlərinin inkişafına və Azərbaycan-Türkiyə qardaşlığının möhkəmləndirilməsinə verdiyi töhfələr ehtiramla xatırlanacaq.