Həftəsonu 81 cinayətin üstü açılıb

Azərbaycanda iyulun 4-ü və 5-də qeydə alınan və əvvəlki dövrlərdən bağlı qalan ümumilikdə 81 cinayətin üstü açılıb, 78 nəfər cinayət törətməkdə şübhəli bilinərək saxlanılıb. Bu barədə Daxili İşlər Nazirliyi (DİN) məlumat yayıb.

Nazirliyin məlumatına görə, polis əməkdaşları iki gün ərzində qeydə alınan 65, əvvəlki dövrlərdən bağlı qalan isə 16 cinayətin açılmasını təmin edib.

Hesabat dövründə axtarışda olan 42 nəfər, o cümlədən borclu şəxs qismində axtarılan 25 nəfər saxlanılaraq aidiyyəti üzrə təhvil verilib.

Bundan başqa, narkotiklərlə əlaqəli 21 fakt, qanunsuz saxlanılan silah-sursatın götürülməsi və aşkarlanması ilə bağlı isə 4 fakt müəyyən edilib.

Gülnar Nazimqızı