Bakıda liftdə azyaşlıya qarşı zorakılıq edən şəxs saxlanılıb

Bakıda yaşayış binasının liftində azyaşlıya qarşı fiziki zorakılıq edən şəxs saxlanılıb.

Bu barədə sosial şəbəkələrdə görüntülər paylaşılıb.

Hadisə Əliəşrəf Əlizadə küçəsi 57 ünvanında yerləşən binada baş verib. Azyaşlının anasının sözlərinə görə, psixi sağlamlıq problemi olduğu bildirilən şəxs liftə minmək istəyən uşağı itələyərək yıxıb.

Azyaşlıya fiziki zor tətbiq etməkdə şübhəli bilinən 29 yaşlı Ayxan Ağalarov polis əməkdaşları tərəfindən müəyyən edilərək saxlanılıb.

Bildirilib ki, onun sağlamlıq vəziyyəti nəzərə alınaraq ixtisaslaşmış tibb müəssisəsinə yerləşdirilməsi istiqamətində müvafiq tədbirlər görülür.