Balakəndə bir nəfəri sel apardığı ehtimal olunur

Balakən rayonunda 43 yaşlı kişinin sel sularına düşərək itkin düşdüyü ehtimal olunur.

Hadisə rayonun Katex kəndi ərazisindən keçən Katex çayında baş verib.

İlkin məlumata görə, Katex kənd sakini, 1983-cü il təvəllüdlü Aslan Rzayev sel sularının gətirdiyi odun parçalarını toplamağa çalışarkən çaya yıxılıb və axın onu aparıb.

Hadisə yerinə Azərbaycan Respublikasının Fövqəladə Hallar Nazirliyinin əməkdaşları cəlb olunub.

Hazırda itkin düşən şəxsin tapılması istiqamətində axtarış-xilasetmə tədbirləri davam etdirilir.