Azərbaycandan tranzit keçməklə Rusiyadan Ermənistana propan və gübrə göndəriləcək

Bu gün Azərbaycandan tranzit keçməklə 14 vaqon propan, 5 vaqon gübrə Rusiyadan Ermənistana göndəriləcək.

B barədə "Azərbaycan Dəmir Yolları" (ADY) QSC məlumat yayıb.

Rəsmi məlumatlara əsasən, indiyədək Rusiyadan Ermənistana Azərbaycan üzərindən 34 min tondan çox taxıl, təxminən 8 min ton gübrə, 133 ton alüminium, 68 ton qarabaşaq yarması və 414 ton antrasit daşınıb.

Eyni zamanda, Azərbaycandan Ermənistana bu günədək 14 min tondan çox dizel yanacağı, həmçinin 4 min tondan çox Aİ-92 və Aİ-95 markalı benzin ixrac edilib.

Azərbaycan 2024-cü ildən etibarən Rusiya ilə Ermənistan arasında bir sıra yüklərin dəmir yolu ilə tranzit daşınmasına icazə verir. Bu marşrutla indiyədək taxıl, gübrə, sənaye məhsulları və enerji daşıyıcıları, həmçinin Azərbaycandan Ermənistana neft məhsulları daşınıb.