Nərimanovda çoxmərtəbəli binanın zirzəmisində yanğın olub, sakinlər təxliyə olunub

Bakı şəhəri, Nərimanov rayonu, Əlicabbar Orucəliyev küçəsində yerləşən hündürmərtəbəli yaşayış binasının zirzəmisində yanğın baş verib.Bu barədə APA xəbər verir.

İlkin məlumata görə, yanğına elektrik naqillərində baş verən qısaqapanma səbəb olub.

Hadisə zamanı iki nəfər yüngül xəsarət alıb. Təhlükəsizlik məqsədilə bina sakinləri təxliyə edilib.

Binanın liftində köməksiz vəziyyətdə qalan sakinlər isə Fövqəladə Hallar Nazirliyinin əməkdaşları tərəfindən xilas ediliblər.

Hadisə yerinə Fövqəladə Hallar Nazirliyinin qüvvələri, polis və təcili tibbi yardım briqadaları cəlb olunub.

Faktla bağlı araşdırma aparılır.