Qaxın sabiq icra başçısının həbs müddəti daha altı ay uzadılıb

Qax Rayon İcra Hakimiyyətinin sabiq başçısı Musa Şəkiliyev barəsində seçilmiş həbs qətimkan tədbirinin müddəti daha altı ay uzadılıb.

Qərar Səbail Rayon Məhkəməsində istintaq orqanının vəsatəti əsasında qəbul edilib.
Dövlət Təhlükəsizliyi Xidməti 2025-ci ilin iyununda Qax Rayon İcra Hakimiyyətində əməliyyat keçirib və Şəkiliyev saxlanılıb.

O, qulluq mövqeyindən istifadə etməklə xüsusilə külli miqdarda dövlət əmlakını mənimsəməkdə ittiham olunur.

Şəkiliyev barəsində 2025-ci il iyunun 21-də dörd aylıq həbs qətimkan tədbiri seçilib. Onun həbs müddəti daha sonra 2025-ci ilin oktyabrında dörd ay, 2026-cı ilin fevralında isə beş ay uzadılıb.
Prezident İlham Əliyevin 2025-ci il iyunun 21-də imzaladığı sərəncamla Şəkiliyev Qax Rayon İcra Hakimiyyətinin başçısı vəzifəsindən azad edilib.