Kibertəhlükəsizlik riskləri artır, uşaqların onlayn müdafiəsi prioritetdir - nazir müavini

Kibertəhlükəsizlik riskləri artdığı bir vaxtda Azərbaycanda bu sahədə hüquqi çərçivə formalaşdırılıb və diqqət insan faktoruna, xüsusilə uşaqların rəqəmsal mühitdə hüquqlarının qorunmasına yönəldilib.
Bunu rəqəmsal inkişaf və nəqliyyat nazirinin müavini Rəşad Həsənov bildirib.

Onun sözlərinə görə, kibertəhlükəsizlik sahəsində risklər artmaqda davam edir və bu istiqamətdə zəruri hüquqi baza artıq yaradılıb.

Həsənov qeyd edib ki, kibertəhlükəsizlik məsələlərində əsas diqqət texnologiyadan daha çox insan faktoruna yönəldilməlidir.

"Son dövrdə uşaqların hüquqlarının rəqəmsal mühitdə qorunması bizim əsas prioritetlərimizdən biridir", -  nazir müavini bildirib.

Gülnar Nazimqızı