AQTA Gəncə sakinlərinə xəbərdarlıq etdi: Etiketsiz lavaş almayın

Gəncədə baş verən kütləvi zəhərlənmə hadisələri ilə bağlı aparılan araşdırmalar zamanı şübhələrin ev şəraitində qanunsuz istehsal olunan lavaş məhsulu üzərində cəmləşdiyi müəyyə edilib. Bu barədə AQTA-nın Qida təhlükəsizliyi şöbəsinin müdiri Validə Sadıxova Agentliyin 2026-cı ilin ilk 6 ayının yekunlarına dair mətbuat konfransında məlumat verib.

Onun sözlərinə görə, ilkin mərhələdə zərərçəkənlərin istifadə etdiyi bütün qida məhsullarından nümunələr götürülüb. Aparılan araşdırmalar nəticəsində zəhərlənmə hallarında istifadə olunan ümumi məhsulun nəzarətdən kənar, ev şəraitində istehsal edilən lavaş olduğu müəyyənləşdirilib.

Bildirilib ki, həmin məhsul rəsmi qeydiyyatdan keçmədən istehsal olunaraq satış məntəqələrinə və yas mərasimlərinə paylanılıb. Hazırda məhsulların geri çağırılması istiqamətində tədbirlər görülür, araşdırmalar davam edir.

AQTA vətəndaşlara istehsalçısı və markalanması göstərilməyən lavaş və digər çörək məhsullarını almamağı, sahibkarlara isə qida təhlükəsizliyi qeydiyyatından keçməyən məhsulların satışına yol verməməyi tövsiyə edib.

Aytac