Merts: Almaniya Azərbaycandan daha çox qaz idxalı imkanlarını nəzərdən keçirir

Almaniya Rusiyadan qaz tədarükünü dayandırdıqdan sonra yeni enerji mənbələri axtarır və bu baxımdan Azərbaycan mühüm tərəfdaşlardan biridir. Bunu Almaniya Kansleri Fridrix Merts Azərbaycan Prezidenti İlham Əliyevlə birgə mətbuat konfransında deyib.

"Rusiyadan qaz tədarükünü dayandırdığımızdan bəri, təbii ki, yeni təchizat mənbələri axtarırıq. Burada Azərbaycan bizim üçün mühüm rol oynayır. Bu, iqtisadi baxımdan çox maraqlı perspektivdir", – Merts bildirib.

Onun sözlərinə görə, Almaniya alternativ təchizat mənbələrinin şaxələndirilməsi istiqamətində də addımlar atıb.

Kansler Prezident İlham Əliyevə enerji sahəsində aparılan müzakirələrə görə təşəkkür edərək bildirib ki, tərəflər Azərbaycandan qaz idxalının artırılması imkanlarını nəzərdən keçiriblər.

"Azərbaycandan daha böyük həcmdə qaz idxalı imkanlarını müzakirə etdik. Bu, birgə razılaşmamızın tərkib hissəsidir və Azərbaycanla gələcək danışıqların da əsas mövzularından biri olacaq", - Merts vurğulayıb.

Gülnar Nazimqızı