Zinəddin Zidan Fransa millisinin baş məşqçisi təyin olunub

Zinəddin Zidan rəsmi olaraq Fransa milli futbol komandasının baş məşqçisi təyin edilib. 54 yaşlı mütəxəssis yığma ilə dörd illik müqavilə imzalayıb. 

Fransa Futbol Federasiyasının açıqladığı heyətə əsasən, Zidanın köməkçiləri daha əvvəl də onunla çalışmış David Bettoni və Hamidu Msaidi olacaq. Məşqçilər korpusuna fiziki hazırlıq üzrə mütəxəssis Qreqori Düpon, eləcə də Fransa millisinin sabiq futbolçuları Fabien Bartez və Bernard Diomedes də daxil edilib.

Zidan futbolçu karyerası ərzində Fransa millisinin heyətində 108 oyuna çıxıb. O, 1998-ci il dünya çempionatının və 2000-ci il Avropa çempionatının qalibi olub.

Məşqçi kimi isə İspaniyanın "Real Madrid" klubunu çalışdıran Zidan komandaya ardıcıl üç UEFA Çempionlar Liqası titulu olmaqla ümumilikdə səkkiz kubok qazandırıb.

Fransa millisində baş məşqçi dəyişikliyi 2026-cı il dünya çempionatından sonra baş verib. Komandanı 14 il çalışdıran Didye Deşam bu müddətdə Fransa yığmasını 2018-ci il dünya çempionluğuna, 2022-ci ildə isə dünya çempionatının finalına çıxarmışdı. Zidanın təyinatı uzun müddətdir Fransa futbolunda ən çox gözlənilən qərarlardan biri hesab olunurdu.

Aytac