Azərbaycanda aktiv vergi ödəyicilərinin sayı 3,4% artıb

Azərbaycanda aktiv vergi ödəyicilərinin sayı avqustun 1-nə ilin əvvəli ilə müqayisədə 3,4% artaraq 888 320-yə çatıb. Bu barədə Dövlət Vergi Xidməti məlumat yayıb.

Hesabat tarixinə ölkədə aktiv ƏDV ödəyicilərinin sayı 5,8% artaraq 61 805 təşkil edib.

Aktiv təsərrüfat subyektlərinin (obyektlərinin) sayı isə ilin əvvəlindən 4,5% artaraq 243 263-ə yüksəlib.

Beləliklə, ilin əvvəlindən həm aktiv vergi ödəyicilərinin, həm aktiv ƏDV ödəyicilərinin, həm də aktiv təsərrüfat subyektlərinin sayında artım qeydə alınıb.