Bu il Azərbaycanda 270 mindən çox "Asan İmza" sertifikatı verilib

Bu ilin yanvar – iyul ayları ümumilikdə 173.826 müraciət üzrə 272.923 Asan İmza sertifikatı verilib.

Bu barədə Dövlət Vergi Xidməti xəbər verir.

Hesabat dövründə vergi ödəyicilərindən daxil olmuş 16,8 min yazılı müraciət cavablandırılıb, onlara 13,5 milyon məlumatlandırma xarakterli müxtəlif növ bildiriş (məktub) göndərilib. 3.146 vergi ödəyicisinin iştirakı ilə 222 görüş keçirilib, 3.997 vergi ödəyicisinə ünvanlı xidmət göstərilib. Vergi ödəyicilərinin məlumatlandırılması istiqamətində preventiv tədbirlərin görülməsi məqsədilə onların mobil nömrələrinə 3,2 milyon SMS göndərilib.

Bundan əlavə, cari ilin yanvar – iyul ayları ərzində vergi ödəyicilərinə xidmət mərkəzlərində ümumilikdə 331.137 müraciət qəbul edilib. Həmin müraciətlər üzrə 549.291 sayda xidmət göstərilib.