Solovyov Azərbaycan XİN rəhbərinin Kiyevə səfərindən hiddətlənib

Rusiyalı teleaparıcı Vladimir Solovyov rəsmi Bakının suveren xarici siyasət kursundan və qərarlarında Moskvanın reaksiyasını nəzərə almamasından narazılıq edərək növbəti dəfə Azərbaycana qarşı iddialar səsləndirib.

Solovyov efirdə çıxışı zamanı Azərbaycanın müstəqil addımlarını şərh edərək üç Rusiya vətəndaşının Bakı tərəfindən axtarışa verilməsini və Azərbaycanın xarici işlər nazirinin Ukraynaya rəsmi səfərini hədəf alıb.

Rusiyanın bu proseslərə cavab vermədiyini iddia edən təbliğatçı Bakının və digər ölkələrin qətiyyətli siyasətini Moskvanın geosiyasi zəifləməsi və Rusiyanın Ukraynadakı müharibədə məğlub olacağı gözləntiləri ilə əlaqələndirməyə cəhd edib.

N.Təbrizli