Ermənistandan Azərbaycana məhsul ixracı başlayır

Yaxın günlərdə Ermənistan mallarının Azərbaycana ilk tədarükü barədə məlumat açıqlanacaq. Bu barədə Ermənistanın xarici işlər naziri Ararat Mirzoyan İctimai Televiziyaya müsahibəsində bildirib.

Nazir hazırda Ermənistanın yalnız Azərbaycan mallarını alması ilə bağlı irada cavab olaraq qeyd edib: "Yaxın günlərdə Azərbaycan şirkətlərinin Ermənistan şirkətlərindən mal aldığını öyrənəcəksiniz. Ermənistan Azərbaycana məhsul satacaq və bu, artıq ikitərəfli ticarət olacaq".

Daha əvvəl Ermənistanın Baş naziri Nikol Paşinyan Yerevan və Bakının elektrik enerjisinin qarşılıqlı idxal və ixracı imkanlarından bərabər şərtlərlə istifadə edə biləcəyini bəyan etmişdi.

N.Təbrizli