Meloni İlham Əliyevə təşəkkür etdi

İtaliyanın Baş naziri Corcia Meloni Azərbaycan Prezidenti İlham Əliyevə İtaliya Respublikasının tarixində hökumət başçısı vəzifəsində ən uzun müddət qalması ilə bağlı göndərdiyi təbrikə görə təşəkkür edib.

Meloni bu barədə "X" sosial şəbəkəsində paylaşım edib.

"Əziz Prezident Əliyev, bu sözlərə və xalqlarımızı birləşdirən səmimi dostluğa görə təşəkkür edirəm", - Meloni yazıb.

O qeyd edib ki, İtaliya və Azərbaycan son illərdə ortaq baxış və maraqlara əsaslanan möhkəm əməkdaşlıq qurublar.

"Strateji tərəfdaşlığımızın möhkəmləndirilməsi istiqamətində birlikdə gördüyümüz işdən çox qürur duyuram. Əminəm ki, qarşıda xalqlarımızın maraqları naminə yeni mühüm əməkdaşlıq imkanları var", - İtaliyanın Baş naziri bildirib.