Azərbaycanda sifilisə yoluxma göstəricisi 15 ildə təxminən dörd dəfə artıb

Azərbaycanda ilk dəfə sifilis diaqnozu qoyulanların göstəricisi 2025-ci ildə hər 100 min nəfərə 12,7 nəfər təşkil edib və 2010-cu illə müqayisədə təxminən 3,8 dəfə artıb. Bu barədə Dövlət Statistika Komitəsindən bildirilib. 

2010-cu ildə hər 100 min nəfərə 3,3 yeni sifilis diaqnozu qeydə alınmışdı. Bu göstərici 15 il ərzində təxminən 285% artıb.

Yeni diaqnozların sayı 2015-ci ildə hər 100 min nəfərə 5,9, 2020-ci ildə 6,7, 2021-ci ildə 8,3, 2022-ci ildə 11,2, 2023-cü ildə isə 11,1 nəfər olub.

Göstərici 2024-cü ildə 13,2 nəfərlə təqdim olunan dövrün ən yüksək səviyyəsinə çatıb. 2025-ci ildə isə əvvəlki illə müqayisədə təxminən 4% azalaraq 12,7 nəfərə düşüb.

Gülnar Nazimqızı