Gürcüstan Azərbaycandan təbii qaz idxalını artırıb

2026-cı ilin yanvar-avqustunda Azərbaycandan Gürcüstana 178,435 milyon ABŞ dolları dəyərində 1,633 milyard kubmetr təbii qaz (qaz halında) ixrac edilib. Bu barədə Dövlət Statistika Komitəsinin hesabatında bildirilib.

Məlumata əsasən, ötən ilin eyni dövrü ilə müqayisədə Azərbaycandan Gürcüstana təbii qaz ixracının dəyəri 8,968 milyon ABŞ dolları və ya 5,3%, həcmi isə 81,9 milyon kubmetr və ya 5,3% artıb.

Ümumilikdə isə 2026-cı ilin yanvar-avqust aylarında Azərbaycandan 8 ölkəyə 5,711 milyard ABŞ dolları dəyərində 16,378 milyard kubmetr təbii qaz (qaz halında) ixrac edilib. Bu, keçən ilin eyni dövrü ilə müqayisədə dəyər baxımından 286,011 milyon ABŞ dolları və ya 4,8%, həcm baxımından isə 75,102 milyon kubmetr və ya 0,5% azdır.