Azərbaycan Almaniya ilə iqtisadi əməkdaşlığı genişləndirmək istəyir

Azərbaycan iqtisadiyyatın şaxələndirilməsi, qeyri-neft sənayesinin inkişafı və özəl investisiyaların cəlb edilməsi üçün Almaniya ilə əməkdaşlığın genişləndirilməsində maraqlıdır. Bunu iqtisadiyyat nazirinin müavini Səməd Bəşirli AIIF 2026 çərçivəsində keçirilən Alman-Azərbaycan Xarici Ticarət Palatasının sessiyasında deyib.

O bildirib ki, sənaye əməkdaşlığı, texnologiya transferi, enerji, resurslardan səmərəli istifadə, nəqliyyat-logistika və regional bazarlara çıxış əsas prioritetlər sırasındadır.

Bəşirli Almaniya şirkətlərini Azərbaycanda istehsal və ticarət layihələrində iştiraka dəvət edib. Onun sözlərinə görə, Orta Dəhliz, Bakı-Tbilisi-Qars dəmir yolu, Bakı Limanı, Ələt Azad İqtisadi Zonası və sənaye parkları investisiya imkanlarını genişləndirir.

Nazir müavini qeyd edib ki, birgə layihələr çərçivəsində yeni texnologiyaların tətbiqi ilə yanaşı, yerli kadrların hazırlanması, peşə təhsili və təcrübə mübadiləsinə də diqqət yetirilməlidir.

Aytac