UEFA Mbappeni 3 oyunluq diskvalifikasiya edib

UEFA Fransanın “Lill” klubunun yarımmüdafiəçisi Etan Mbappeni üç oyunluq diskvalifikasiya edib.Bu barədə xarici media xəbər verir.

19 yaşlı futbolçu Çempionlar Liqasının Liqa mərhələsinin ilk turunda İspaniyanın “Betis” klubuna qarşı keçirilən oyunda birbaşa qırmızı vərəqə alıb.

Mbappe matçın 56-cı dəqiqəsində “Betis”in müdafiəçisi Natana dirsəklə zərbə endirib. Baş hakim Georgi Kabakov VAR-a baxdıqdan sonra fransalı futbolçunu meydandan kənarlaşdırıb.

Diskvalifikasiya səbəbindən Mbappe Çempionlar Liqasının “Arsenal” (İngiltərə), “Qalatasaray” (Türkiyə) və “Budyo-Qlimt” (Norveç) komandalarına qarşı oyunlarını buraxacaq.

Qeyd edək ki, “Lill” – “Betis” qarşılaşması İspaniya klubunun 3:2 hesablı qələbəsi ilə başa çatıb.