İran uranın zənginləşdirilməsini dayandırmağa razılaşıb

İran ABŞ tərəfindən sanksiyaların yumşaldılması müqabilində uranın zənginləşdirilməsini dayandırmağa razılaşıb.Bu barədə “Al Hadath” telekanalı məlumat yayıb.

Telekanalın Pakistandakı mənbələrinin bildirdiyinə görə, razılaşmanın əldə olunmasına İran-ABŞ danışıqlarında vasitəçilik edən şəxslər kömək ediblər.

İranın rəsmi qurumları məlumatı hələlik şərh etməyib.

“Reuters”in məlumatına görə, ABŞ və İran arasında Qətərin vasitəçiliyi ilə Nyu-Yorkda ayrıca danışıqların keçirilməsi gözlənilir. Qətərli vasitəçilərin bu gün və ya sabah İranın xarici işlər naziri Abbas Əraqçi ilə, həmçinin ABŞ tərəfi ilə görüşəcəyi bildirilir.