Şahin Mustafayev İran Prezidenti ilə görüşüb

İranda səfərdə olan Azərbaycan Baş nazirinin müavini Şahin Mustafayev İran Prezidenti Məsud Pezeşkianla görüşüb.Bu barədə IRIB xəbər verir.

Görüşdə Azərbaycan-İran əlaqələrinin inkişafı, xüsusilə nəqliyyat və tranzit sahəsində əməkdaşlığın genişləndirilməsi müzakirə olunub.

Məlumata görə, quru, hava və dəmir yolu marşrutlarının inkişafı Bakı ilə Tehran arasında əlaqələrin möhkəmləndirilməsinə imkan yaradır.

Görüşdə nəqliyyat və dəhliz marşrutlarının inkişaf etdirilməsi, həmçinin mövcud imkanlardan səmərəli istifadə olunmasının əhəmiyyəti vurğulanıb.