Səhiyyə Nazirliyinin adından yayılan hicabla bağlı məktubun saxta olduğu bildirilib

Səhiyyə Nazirliyinin adından tibb müəssisələrində hicabın istifadəsinə məhdudiyyət qoyulduğunu iddia edən məktubun saxta olduğu açıqlanıb. Bu barədə Media və Yayım Şurası ilə Səhiyyə Nazirliyinin birgə açıqlamasında bildirilib.

Qeyd olunub ki, Səhiyyə Nazirliyi tərəfindən belə bir sənəd qəbul edilməyib və tibb müəssisələrinə bu məzmunda göstəriş verilməyib.

“Saxta sənədin həqiqi rəsmi yazışma kimi təqdim olunması ictimaiyyəti çaşdıran dezinformasiyadır.

Media və Yayım Şurası media subyektlərini və sosial media istifadəçilərini məlumatların doğruluğunu rəsmi mənbələr əsasında yoxlamağa, saxta sənədi həqiqi sənəd kimi paylaşmamağa və dezinformasiyanın yayılmasına alət olmamağa çağırır”, – birgə açıqlamada qeyd olunub.