Sumqayıtda bağçada yıxılan azyaşlının qolu qırılıb -Video

Sumqayıt şəhərində fəaliyyət göstərən özəl uşaq bağçasında azyaşlı xəsarət alıb.Bu barədə "Xəzər TV" məlumat yayıb.

Hadisə "Laləli" körpələr evi-uşaq bağçasında baş verib. Valideyn Yaqub Yasinovun iddiasına görə, oktyabrın 9-da saat 17 radələrində övladı tərbiyəçinin diqqətsizliyi və nəzarətsizliyi səbəbindən sürüşkəndən yıxılıb. Nəticədə uşağın sol qolu iki yerdən sınıb.

Valideyn uşağa ilkin tibbi yardım göstərilmədiyini, təcili tibbi yardım çağırılmadığını və hadisə barədə ailəsinə məlumat verilmədiyini iddia edib.

Bağçadan isə bildirilib ki, hadisə baş verən kimi uşağın valideyninə məlumat verilib. Atanın uzaqda olduğunu və uşağı bibisinin götürəcəyini söylədiyi qeyd olunub.

Yaqub Yasinov məsələ ilə bağlı Daxili İşlər Nazirliyinə müraciət edib.

Hadisənin bütün təfərrüatları və tərəflərin qarşılıqlı iddialarına hüquqi qiymət verilməsi aidiyyəti qurumların araşdırmasından sonra məlum olacaq.