Fövqəladə Hallar Nazirliyinin (FHN) qüvvələri ötən həftə ərzində 149 yanğına çıxış edib, müxtəlif hadisələr zamanı, o cümlədən avtoqəzalar və bağlı qapılarla əlaqədar 31 nəfəri xilas edib.

Nazirlikdən verilən məlumata görə, “112” qaynar telefon xəttinə daxil olan zənglər əsasında 27 köməksiz vəziyyətdə qalma və dörd avtonəqliyyat qəzası faktı üzrə qəza-xilasetmə əməliyyatları da həyata keçirilib.

Xilas edilənlərin səkkizi azyaşlı olub. Müxtəlif hadisələrlə əlaqədar dörd nəfərin meyiti aidiyyəti üzrə təhvil verilib.

FHN bildirib ki, görülən təcili və təxirəsalınmaz tədbirlər nəticəsində yanğınların operativ söndürülməsi və insanların həyatının xilas edilməsi təmin olunub.