ABŞ Trampın ikinci prezidentlik müddəti başlayandan bəri 300 mindən çox vizanı ləğv edib

ABŞ Prezidenti Donald Trampın ikinci prezidentlik müddəti başlayandan bəri ölkədə 300 mindən çox viza ləğv edilib.Bu barədə Dövlət Departamentinin nümayəndəsi “The New York Post” nəşrinə bildirib.

Məlumata görə, vizalar cinayət fəaliyyəti, ictimai təhlükəsizliyə təhdid, dələduzluq və immiqrasiya qanunvericiliyinin pozulması ilə əlaqədar ləğv edilib.

Dövlət Departamentinin nümayəndəsi Tommi Piqott bildirib ki, “doğuş turizmi” ilə məşğul olan və ya buna yardım edən xarici vətəndaşların da azı 4 000 vizası ləğv olunub.

Ötən ay Dövlət Departamenti 2025-ci ilin yanvarından bəri 250 minə yaxın sürücülük vəsiqəsinin ləğv edildiyini təsdiqləyib.