Niderland itkin düşənlərin axtarışı üçün Azərbaycana və Ermənistana yardımı ayıracaq

Niderland Krallığı itkin düşmüş şəxslərin axtarışı üzrə fəaliyyətlərin davam etdirilməsi məqsədilə həm Azərbaycana, həm də Ermənistana yeni maliyyə dəstəyi təqdim edəcək. Bu barədə Niderlandın xarici işlər naziri Tom Berendsen İrəvanda çıxışı zamanı bildirib.

Rəsmi Amsterdamın Bakı ilə İrəvan arasında münasibətlərin normallaşdırılması istiqamətində atılan addımları alqışladığını qeyd edən nazir sülh prosesinin mütləq yekun sülh müqaviləsinin imzalanması ilə başa çatmasının vacibliyini vurğulayıb. Tom Berendsen humanitar sahəyə dəstək çərçivəsində itkin düşənlərin taleyinin aydınlaşdırılması üçün hər iki dövlətə əlavə vəsait ayrılacağını bəyan edib, həmçinin Ermənistanın Avropa İttifaqı ilə əməkdaşlığı genişləndirmək niyyətini dəstəklədiklərini bildirib.