Ölkədə 60 yaşından sonra kişi və qadınlar nə qədər yaşaya bilər? - statistika

Azərbaycanda 60 yaşına çatan qadınların bundan sonra orta hesabla 22,8 il, kişilərin isə 20,7 il yaşaması gözlənilir. Bu barədə Dövlət Statistika Komitəsindən bildirilib. 

2024-cü illə müqayisədə gözlənilən ömür müddəti qadınlarda 0,1 il, kişilərdə isə 0,3 il artıb.

2025-ci ildə şəhər yerlərində 60 yaşlı qadınlar üçün gözlənilən ömür müddəti 23,1 il, kişilər üçün 21,3 il olub. Kənd yerlərində bu göstərici qadınlarda 22,4 il, kişilərdə isə 19,8 il təşkil edib.

2024-cü ildə şəhər yerlərində 60 yaşına çatmış qadınların gözlənilən ömür müddəti 23 il, kişilərin isə 21 il olub. Kənd yerlərində müvafiq göstəricilər qadınlarda 22,3 il, kişilərdə 19,7 il təşkil edib.

2025-ci ildə şəhər yerlərində 60 yaşlı qadınların gözlənilən ömür müddəti kişilərdən 1,8 il, kənd yerlərində isə 2,6 il çox olub.

Gülnar Nazimqızı