Ramiz Mehdiyev 14 il müddətinə azadlıqdan məhrum edilib

Dövlətçilik əleyhinə xüsusilə ağır cinayətlər törətməkdə ittiham olunan Prezident Administrasiyasının keçmiş rəhbəri Ramiz Mehdiyev barəsində məhkəmə araşdırması başa çatıb.

“Qafqazinfo”nun məlumatına görə, Bakı Ağır Cinayətlər Məhkəməsinin 22 oktyabr 2026-cı il tarixli hökmü ilə Ramiz Ənvər oğlu Mehdiyev Cinayət Məcəlləsinin 193-1.3.2, 274, 278.1 və 311.3.3-cü maddələri ilə nəzərdə tutulan cinayətləri törətməkdə təqsirli bilinib və 14 il müddətinə azadlıqdan məhrum edilib.

Hökmə əsasən, Mehdiyevin yaşı və mövcud xəstəlikləri ilə əlaqədar sağlamlıq vəziyyəti nəzərə alınaraq, Cinayət Məcəlləsinin 70-ci maddəsinə uyğun olaraq təyin edilmiş cəzanın şərti tətbiq olunmasına qərar verilib.

Bundan başqa, onun dövlət təltiflərindən məhrum edilməsi məsələsinə baxılması üçün təqdimat göndərilməsi qərara alınıb.

Həmçinin Mehdiyevə məxsus əmlaklar barəsində dövlət nəfinə keçirilməklə xüsusi müsadirə tətbiq edilib.