"Sovetski"də tarixi abidələri söküləcək?

Azərbaycanın mədəniyyət və turizm naziri Әbülfəs Qarayev "Sovetski" kimi adlanan ərazidə tarixi abidələrin sökülüb-sökülməyəcəyi məsələsinə aydınlıq gətirib.

ANN.Az Trend-ə istinadən xəbər verir ki, Azərbaycanın mədəniyyət və turizm naziri Әbülfəs Qarayev bu gün keçirdiyi mətbuat konfransında deyib ki, "Sovetski" kimi adlanan ərazidə 118 tarixi abidə var. Həmin binaların arasında bəziləri yerli əhəmiyyətlidir: "Bu binalar bu gün müasir baxışdan çox da tarixi və ya memarlıq əhəmiyyəti daşımır. Elə binalar var ki, onların da əhəmiyyəti o qədər çox deyil. Amma onların üzərində xüsusi memarlıq bəzəkləri var. Həmin binalar da məhz o bəzəklərə görə bu siyahıya salınıb".

Ә.Qarayev deyib ki, bu ərazidə Cəlil Məmmədqulizadə, Abdulla Şaiqin ev muzeyi var.

Həmin muzeylərin sökülməyəcəyini deyən nazir əlavə edib ki, bu binalar muzey olduqları üçün sökülməyəcək: "Ola bilər ki, onlar tarixi abidə kimi o qədər əhəmiyyətli deyil. Amma muzey olduqları üçün onlar yerində qalacaq".

Ә.Qarayev deyib ki, əhəmiyyətinə görə ikinci dərəcəli hesab edilən binalardan təxminən 30-a yaxını sökülməyəcək.

ANN.Az