Bakı Ağır Cinayətlər Məhkəməsində hakim Faiq Qəniyev sədrliyi ilə sabiq polis əməkdaşı Mobil Süleymanovun cinayət işi üzrə məhkəmə prosesində hökm oxunub. Hökmə əsasən, dələduzluqda təqsirləndirilən M.Süleymanov 7 il 6 ay müddətinə azadlıqdan məhrum edilib.
Daxili İşlər Nazirliyi Baş Mühafizə İdarəsinin (BMİ) keçmiş əməkdaşı olan Mobil Süleymanov Cinayət Məcəlləsinin 178.3.2-ci (külli miqdarda dələduzluq) maddəsi ilə ittiham olunub. O, Qəşəm Əliyev və Almaz Zeynalovanın etibarını qazanaraq onlardan 14 min manat pul alıb. Təqsirləndirilən şəxs Q.Əliyev və A.Zeynalovanın oğlunu BMİ-yə işə düzəldəcəyinə söz versə də bu əməlini yerinə yetirməyib. Məhkəmə zamanı təqsirləndirilən şəxs zərərçəkənlərə dəymiş ziyanı tam ödəyib.(bizimyol.info)
www.ann.az
Bizi sosial şəbəkələrdə izləyin !
