Soçidə 25 saatlıq unikal futbol oyunu keçiriləcək

Rusiyanın Soçi şəhərində futbol ultramarafonu keçiriləcək. 

"Report"un məlumatına görə, avqustun 8-də start götürəcək oyunun Rekordlar Kitabına düşəcəyi güman olunur. 

Soçidəki idman məktəbinin futbol meydanlarına 25 saat ərzində müxtəlif yaş qrupundan 3 000-dək şəhər sakininin çıxacağı gözlənilir. Onlar ən uzun müddətli kütləvi matçda iştirak edəcəklər. 

Ultramarafon zamanı "Soçi" və "Jemçujina" komandaları da üz-üzə gələcək. Qarşılaşma iştirakçıları arasında Rusiya yığmasının keçmiş kapitanı Aleksey Smertin, habelə, millinin keçmiş futbolçuları Dmitri Bulıkin və Dmitri Sennikovun da iştirakı gözlənilir.