Ötən il qaytarılan ƏDV-lərin məbləği açıqlanıb

16:15 | 25.01.2023
Azərbaycanda 2022-ci ilin sonunda qaytarılan ƏDV-lərin məbləği 2021-ci illə müqayisədə 36,9% çox olub. Bu barədə İqtisadiyyat Nazirliyi yanında Dövlət Vergi Xidməti məlumat yayıb.
 
Ötən ilin sonuna qədər istehlakçılara, ümumilikdə, 361,5 milyon manatdan çox ƏDV məbləği geri qaytarılıb. Bu məbləğin 190 milyon manatdan çox hissəsi 2022-ci ilin payına düşüb.
 
2022-ci ildə nağdsız qaydada alınmış mallara və yaxud əldə edilmiş xidmətlərə görə istehlakçılara qaytarılan məbləğ  əvvəlki illə müqayisədə 77,5% artaraq 64,3 milyon manatdan çox olub.
 
2022-ci ilin noyabrında Vergi Məcəlləsində edilmiş dəyişikliklərə əsasən, nağdsız ödənişlərə keçidin daha da stimullaşdırılması məqsədilə nağdsız ödənişlər üzrə geri qaytarılan ƏDV məbləğinin faiz dərəcəsi 15 %-dən 17,5 %-ə qədər artırılıb. Nağd əməliyyatlara görə ƏDV-nin geri ödənilən hissəsi isə 10%-dən 5%-ə endirilib.
 
2021-ci ilin 2-ci rübündə "ƏDV geri al” layihəsi çərçivəsində istehlakçılara, ümumilikdə, 94,7 milyon manat qaytarılıb.
 
ƏDV-nin müəyyən hissəsinin qaytarılması üçün ilk növbədə, istehlakçı, yəni alış-veriş edən və ya xidmətlərdən yararlanan tərəf fiziki şəxs, satıcı və ya xidmət göstərən tərəf isə ƏDV ödəyicisi olmalıdır. Eyni zamanda, alınan mal və ya xidmətlər də ƏDV-yə cəlb olunmalıdır. Digər məqam satıcının yeni nəsil kassa aparatlarından istifadə etməsi ilə bağlıdır. ƏDV-nin bir hissəsinin qaytarılması yalnız yeni nəsil kassa aparatlarının tətbiq olunduğu obyektlərdə mümkündür.

Layihə 2020-ci ilin mayından həyata keçirilməyə başlayıb.
 
Lida Abbaslı
 
 

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb