Rusiyada Navalnının ölümü ilə bağlı xatirə aksiyaları keçirilib,saxlanılanlar var

Rusiyanın müxtəlif şəhərlərinin sakinləri Aleksey Navalnının koloniyada ölümündən sonra doqquzuncu gün anım mitinqlərində və piketlərdə iştirak ediblər.

Bu barədə "OVD-İnfo” məlumat yayıb.

Moskvada polis "Matən divarı”na ("Stena skorbi”) gül dəstəsi qoyan və "Bunun son olduğunu düşünmə” yazılı kağız qoyan 64 yaşlı Sergey Karabatovu saxlayıb. Onun barəsində kütləvi tədbirin qaydalarını pozan təşkilatçı maddə ilə protokol tərtib edilib.

Ufada Alina Xannanova siyasi repressiya qurbanlarının abidəsi önünə gül dəstələri qoyarkən saxlanılıb. Onu cinayət işi ilə hədələyib, "sən gül qoya bilməzsən” deyib, protokolsuz buraxıblar. Həmçinin Ufada Aida Nuriyeva tək piketə çıxan və "Putin Navalnının qatilidir! Meyitin təhvil verilməsini tələb edirəm!” lövhəsi ilə çıxış edən Aida Nuriyeva saxlanılıb.

Kazanda Kseniya Urazaeva siyasi repressiya qurbanlarının xatirəsinə ucaldılmış abidənin yanından qərənfil buketi ilə keçən zaman saxlanılıb. Kurskda Natalya Bobrova siyasi repressiya qurbanlarının xatirəsinə ucaldılmış abidənin önünə gül dəstələri və Navalnının portretini qoyarkən qoyarkən saxlanılıb, protokol olmadan sərbəst buraxılıb.