Arxiyepiskop Ajapakhyanın saxlanmasına mane olanlara qarşı cinayət işi açılıb - Video - Yenilənib

Ermənistan İstintaq Komitəsi güc strukturları arxiyepiskop Mikael Acapaxyanı saxlamasına mane olunması faktı ilə bağlı cinayət işi açıb.Bu barədə Ermənistan mediası məlumat verir.

"Onun saxlanılması zamanı bir qrup şəxs hüquq-mühafizə orqanlarının qanuni fəaliyyətinə maneə törədib, cinayət işi açılıb", - İstintaq Komitəsinin açıqlamasında deyilir.

14:46

Ermənistan Milli Təhlükəsizlik Xidməti xüsusi təyinatlıları arxiyepiskop Mikael Acapaxyanı saxlaya bilməyib Eçmiədzindəki monastırı tərk ediblər.Bu barədə erməni mətbuatı xəbər verir.

MTX-nin bəyanatına görə, buna səbəb monastır ətrafında çoxlu sayda insanın toplaşması olub.

“MTX və polis təhlükəsizlik səbəbləri ilə və vəziyyətin bilərəkdən qızışdırılmasının qarşısını almaq üçün Eçmiədzindənin ərazisini tərk etmək qərarına gəlib. Mikael Acapaxyanı gizlənməməyə, MTX-nin operativ qrupu üzvlərinin yanına gəlməyə çağırırıq”, - bəyanatda deyilir.

12:42

II Qareginin iqamətgahında Acapaxyanın saxlanılması üzrə əməliyyat davam edir.

Ermənistan Milli Təhlükəsizlik Xidməti arxiyepiskop Mikael Acapaxyanı II Qareginin iqamətgahının yerləşdiyi Eçmiədzindəki monastırdan apara bilməyib.

“Report” “Sputnik Ermənistan”a istinadən xəbər verir ki, monastır yaxınlığında vəziyyət gərgin olaraq qalır. Güc strukturları ilə dindarlar arasında vaxtaşırı toqquşmalar baş verir.

***

Ermənistan Milli Təhlükəsizlik Xidmətinin maskalı xüsusi təyinatlıları erməni kilsəsinin rəhbəri II Qareginin iqamətgahına daxil olub.Bu barədə Ermənistan mətbuatı xəbər verir.

II Qaregin özü onların qarşısına çıxıb.Bu zaman təhlükəsizlik qüvvələri ilə din xadimləri arasında gərginlik yaşanıb. II Qaregin ruhaniləri sakitləşdirmək məqsədilə kafedraldan çıxıb. Bundan sonra polislər onu mühasirəyə alıblar.

Hazırda tərəflər arasında müzakirə aparılır.

Jurnalistlər hadisə yerindən uzaqlaşdırılıb və ərazi mühasirəyə alınıb.