Türkiyədə yanğın olub, 100 nəfər təxliyə edilib

Türkiyənin Bursa şəhərində zeytun ağaclarının olduğu açıq ərazidə yanğın olub.Bu barədə “Haber Global” xəbər verir.

Hadisə Osmanqazi rayonunun Demirtaş məhəlləsində qeydə alınıb.

Yanğın sonra meşəyə, 2 min sakinin yaşadığı İsmetiye məhəlləsindəki evlərə sıçrayıb.

Hadisə yerinə helikopterlər, 14 yanğınsöndürən maşın, 139 nəfər yanğınsöndürən cəlb olunub.

Ərazidən 100 nəfər təxliyə olunub, 14 nəfər xilas edilib. Xəsarət alan və ya ölən barədə məlumat yoxdur. Hadisənin səbəbi məlum deyil.