Minskdə Aİİ liderlərinin məhdud tərkibdə görüşü başlayıb

Minsk şəhərindəki Müstəqillik Sarayında Ali Avrasiya İqtisadi Şurasının məhdud tərkibdə iclası başlayıb.Bu barədə TASS xəbər verir.

Tədbirdə Belarus Prezidenti Aleksandr Lukaşenko, Rusiya Prezidenti Vladimir Putin, Qazaxıstan Prezidenti Kasım-Jomart Tokayev və Qırğızıstan Prezidenti Sadır Japarov iştirak edirlər.

Ermənistanın baş naziri Nikol Paşinyan görüşə videobağlantı vasitəsilə qatılıb.

Məhdud tərkibdə iclasdan sonra geniş tərkibdə görüşün keçirilməsi gözlənilir. Görüşdə müşahidəçi dövlətlər olan Kuba və Özbəkistanın, eləcə də qonaq ölkələrin - Monqolustan və Birləşmiş Ərəb Əmirliklərinin (BƏƏ) nümayəndələri də iştirak edəcəklər.