Yaponiyada 2022-ci ildən bəri ilk dəfə ölüm hökmü icra olunub

Yaponiyada 2022-ci ildən bəri ilk dəfə ölüm hökmü yerinə yetirilib.Bu barədə yerli KİV məlumat yayıb.

Bu, həm də Baş nazir Sigeru İsibanın rəhbərlik etdiyi hökumətdə ədliyyə naziri tərəfindən imzalanan ilk edam əmri olub.
Ölüm hökmü dar ağacında asılma yolu ilə icra olunur.

Edam edilən 34 yaşlı Takahiro Şiraişi 2021-ci ildə doqquz adamı öldürdüyü üçün ölüm cəzasına məhkum edilib. O, sosial şəbəkə vasitəsilə intihara meyilli yeniyetmələri və gəncləri öz mənzilinə aparıb, sonra isə öldürüb.