ABŞ-nin Rusiyadakı səfirinin diplomatik missiyası başa çatır

ABŞ-nin Rusiyadakı səfiri Linn Treysinin diplomatik missiyası başa çatır.Bu barədə ABŞ səfirliyinin bu gün yaydığı məlumatda deyilib.

Bildirilib ki, diplomat Moskva ilə Vaşinqton arasında münasibətlərin ən gərgin dövrlərindən birində diplomatik missiyaya rəhbərlik edib.

"Belə bir çətin dövrdə ölkəmi Moskvada təmsil etməkdən qürur duyuram. Bilirəm ki, səfirlikdəki həmkarlarım münasibətlərimizin yaxşılaşdırılması və Rusiya xalqı ilə əlaqələrin qorunması istiqamətində işi davam etdirəcəklər", - məlumatda Treysinin sözlərindən sitat gətirilib.

Keçmiş Prezident Co Bayden administrasiyası tərəfindən təyin edilmiş Treysi 2023-cü ilin yanvarından Moskvada fəaliyyət göstərirdi.