Kim Çen In Rusiya tərəfində döyüşlərdə həlak olan əsgərlərinin xatirəsini anıb

İyulun 1-də Şimali Koreya lideri Kim Çen In Rusiya-Ukrayna müharibəsində Rusiya tərəfində döyüşən və həlak olan şimali koreyalı əsgərlərin xatirəsini anıb.

Dövlət televiziyasının yayımladığı kadrlarda Kim Çen In Pxenyanda keçirilən mərasimdə Şimali Koreya bayrağını həlak olan əsgərlərdən birinin tabutuna yerləşdirərkən göz yaşlarını saxlaya bilməyib. Mərasimdə onu Rusiyanın mədəniyyət naziri Olqa Lyubimova müşayiət edib.

Mərasim 29 iyunda – Şimali Koreya ilə Rusiya arasında hərbi əməkdaşlıq haqqında müqavilənin ildönümündə keçirilib. Müqaviləyə qarşılıqlı müdafiə yardımını nəzərdə tutan müddəa da daxildir.

Aprel ayında Pxenyan Rusiya ərazisinə hərbi personal və silah göndərdiyini təsdiqləyib. Cənubi Koreya Müdafiə Nazirliyinə görə, Kursk vilayətində döyüşlərdə 600-ə yaxın Şimali Koreya əsgəri həlak olub, minlərlə əsgər yaralanıb.

Seulun məlumatına əsasən, hazırda Şimali Koreya qüvvələrinin əlavə səfərbərliyinə dair əlamət yoxdur.

N.Təbrizli