Xədicə İsmayıl yenidən ifadə verib

14:14 | 19.02.2014
Xədicə İsmayıl yenidən ifadə verib

Xədicə İsmayıl yenidən ifadə verib

Jurnalist Xədicə İsmayıl Baş Prokurorluqda ifadə verib.Bu barədə APA-ya X. İsmayıl özü bildirib. Jurnalist qeyd edib ki, Baş Prokurorluğun Ağır Cinayətlə dair işlər üzrə İstintaq İdarəsinin müstəntiqi Sənan Paşayev tərəfindən bu gün onun ifadəsi alınıb: “Məndən sosial şəbəkələrdə yayılan informasiyanın mənbəyini öyrənmək istədilər. Lakin mən müstəntiqə “Kütləvi İnformasiya Vasitələri” haqqında qanunda əks olunan jurnalistin öz mənbəsini gizli saxlaya bilməsi barədə müddəanı xatırlatdım”.X. İsmayıl sabah saat 17-00 da yenidən Baş Prokurorluğun Ağır Cinayətlə dair işlər üzrə İstintaq idarəsində ifadə verəcəyini qeyd edib.Qeyd edək ki, Xədicə İsmayılovanın şəxsi “Facebook” səhifəsində 17 fevral 2014-cü il tarixdə yerləşdirdiyi Milli Təhlükəsizlik Nazirliyinin xidməti fəaliyyətinə aid olunması ehtimal edilən və dövlət və ya xidməti sirr təşkil edən sənədlərin dərc edilməsi və yayımlanması ilə əlaqədar baş prokuror qanunvericilikdə nəzərdə tutulmuş qaydada aidiyyəti qurumlarla müvafiq araşdırmaların aparılmasına dair göstəriş verib.Faktla bağlı Baş Prokurorluğun Ağır Cinayətlərə Dair İşlər üzrə İstintaq İdarəsində Cinayət Məcəlləsinin 284.2-ci (dövlət sirrini yayma) maddəsi ilə cinayət işi başlanıb.Cinayət işi üzrə Xədicə İsmayılova şahid qismində dindirilməsi üçün istintaqa dəvət edilib.ANN.Az 

0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb