Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müraciətini nəzərə alaraq 2023-cü il sentyabrın 20-də saat 13:00-da aşağıdakı şərtlər altında lokal xarakterli antiterror tədbirlərinin dayandırılması barədə razılıq əldə olunub.

 

Nəticə olaraq sentyabrın 21-də Yevlaxda Qarabağın erməni sakinlərinin nümayəndələri ilə görüş keçiriləcək. 

 

 

"Qarabağdan gələn xəbərlər, ermənilərin bugünkü bəyanatı ilk baxışdan bizim üçün sevindirici xəbərdir. Lakin önəmli olan bu xəbərin ardından baş verəcək hadisələrdir. Nə qədər ki, Rusiyanın hərbi kontingenti Azərbaycan ərazisindədir Qarabağ üzərində suverenliyimizin və ərazi bütövlüyümüzün təmin edilməsindən hələ ki, danışa bilmərik. Nə qədər ki, Rusiya əsgəri Cənubi Qafqazdadır bölgəmizdə sülh olmayacaq. 10 noyabr 2020- ci il bəyanatını da Rusiya imzalatmışdı, bugünkü sənəd də onların təklifi ilə imzalanıb. 3 il əvvəlki sənəddə də, bugünkü sənəddə də boşluqlar var. İcra olunub-olunmayacağı da sual altındadır. Və ən əsas məsələ budur: Qarabağa, Xankəndiyə indi birbaşa kim nəzarət edəcək - Azərbaycan, yoxsa Rusiya?",- siyasi şərhçi əlavə edib.

 

Sentyabrın 19-da Azərbaycan Müdafiə Nazirliyi Dağlıq Qarabağda lokal antiterror əməliyyatına başlandığını elan edib. Əməliyyatın məqsədi Qarabağda "genişmiqyaslı təxribatların” qarşısını almaq, həmçinin Ermənistan ordusunun bölmələrinin tərksilah edilərək bölgədən çıxarılması olacaq. Ermənistan Müdafiə Nazirliyi Azərbaycanın Ermənistan qoşunlarının hələ dəQarabağ ərazisində qalması ilə bağlı bəyanatlarını rədd edib. Ermənistan Təhlükəsizlik Şurasının katibi Armen Qriqoryan Rusiyanı Qarabağın müdafiəsi ilə bağlı öhdəliklərini yerinə yetirməməkdə ittiham edib .