Adətən televizorlar hazırlanan zaman texnoloji şirkətlər geniş audio və video imkanlara üstünlük versələr də, Cənubi Koreyanın "LG” şirkəti başqa yolla getmək qərarına gəlib. Belə ki, şirkət Hindistan bazarında özünü doğrultmaq üçün ağcaqanadları qovlayan televizorlar istehsal edib.

"ICTnews” Elektron Xəbər Xidməti "IGgate” resursuna istinadən yazır ki, "Mosquito Away” istehsal xəttindən olan televizorlar həşəratları məsafədə saxlamaq üçün xüsusi dalğalardan istifadə edən quraşdırılmış ultrasəsli aparatla birlikdə tədarük edilir. İstehsalçı yerli bazarı öyrənərək burada artmaqda olan genetik problemi həll edə bilən qurğuların olmaması qərarına gəlib.

Bildirilir ki, 32 düymlük ekranla təchiz edilən modelin qiyməti 400 dollar, 43 düymlük qabaqcıl TV modelinin isə 710 dollar təşkil edir. "LG” nümayəndələrinin sözlərinə görə, televizorlar heç bir zərərli şüalanma yaratmır və kimyəvi təsirdən istifadə etmirlər. Bundan belə qənaətə gəlmək olur ki, həşəratlarla mübarizə üçün yalnız televizorun rozetkaya qoşulması tələb olunur ki, bu da əlavə xidmətdən istifadəni aradan qaldırır.